ਮੁੱਖ ਮੰਤਰੀ ਨੇ ਕਾਫਲਾ ਛੱਡ ਕੇ ਆਪਣੀ ਸਰਕਾਰੀ ਰਿਹਾਇਸ਼ ਤੋਂ ਰਘੁਨਾਥ ਮਾਰਕੀਟ ਤੱਕ ਪੈਦਲ ਹੀ ਚੱਲ ਕੇ ਸਿਵਲ ਸਕੱਤਰੇਤ ਜਾਣ ਦਾ ਫ਼ੈਸਲਾ ਕੀਤਾ ਅਤੇ ਕਿਲੋਮੀਟਰ ਤੋਂ ਵੱਧ ਦੂਰੀ ਪੈਦਲ ਤੈਅ ਕੀਤੀ। ਉਪ ਮੁੱਖ ਮੰਤਰੀ ਸੁਰਿੰਦਰ ਚੌਧਰੀ ਤੇ ਮੰਤਰੀ ਜਾਵੇਦ ਰਾਣਾ ਨਾਲ ਮੌਜੂਦ ਅਬਦੁੱਲਾ ਦਾ ਰੈਜ਼ੀਡੈਂਸੀ ਰੋਡ ’ਤੇ ਜੁੜੀ ਭੀੜ ਨੇ ਨਿੱਘਾ ਸਵਾਗਤ ਕੀਤਾ। ਵਪਾਰੀਆਂ ਤੇ ਹੋਰ ਸਥਾਨਕ ਵਸਨੀਕਾਂ ਨੇ ਮਠਿਆਈਆਂ ਵੰਡੀਆਂ ਤੇ ਉਨ੍ਹਾਂ ਦੀ ਸਰਕਾਰ ਦੇ ‘ਦਰਬਾਰ ਬਦਲੀ’ ਦੇ ਫ਼ੈਸਲੇ ’ਤੇ ਖੁਸ਼ੀ ਜ਼ਾਹਿਰ ਕੀਤੀ। ਮੁੱਖ ਮੰਤਰੀ ਨੇ ਕਾਫੀ ਪੁਰਾਣੀ ਰਵਾਇਤ ਸੁਰਜੀਤ ਕਰ ਕੇ ਅਹਿਮ ਚੋਣ ਵਾਅਦਾ ਪੂਰਾ ਕੀਤਾ ਹੈ। ਇਸ ਮਗਰੋਂ ਮੁੱਖ ਮੰਤਰੀ ਅਬਦੁੱਲਾ ਨੇ ਸਕੱਤਰੇਤ ’ਚ ਅਧਿਕਾਰੀਆਂ ਨਾਲ ਮੀਟਿੰਗ ਦੌਰਾਨ ਸਾਰੇ ਵਿਭਾਗਾਂ ਨੂੰ ਪ੍ਰਾਜੈਕਟ ਸਮੇਂ ਸਿਰ ਨੇਪਰੇ ਚਾੜ੍ਹਨ ਦੇ ਨਿਰਦੇਸ਼ ਦਿੱਤੇ।
Leave feedback about this